李彩華跳水 高難度性感出局

依 家一般綜藝節目已滿足唔到大家，要高難度，要搵命搏，分分鐘會受傷，而且傷勢要越嚴重、獎金越高，才能滿足大家跡近變態的心理……家陣，內地綜藝節目要玩 跳水，好似江蘇衛視嘅《星跳水立方》，請來李彩華、韓庚、沙寶亮、阿雅等比賽跳三米高台。之前韓庚跳到暈厥，李彩華對腳瘀晒，亦有人撞親流血。觀眾叫好。

第 一期比賽今晚剛播完。李彩華已率先出局。其實佢真係好有心，除咗泳衣最性感之外，動作亦有一定難度，佢嘅動作應該係難度2.2，轉身翻騰三周半，抱膝轉 圈，點知跳落去嗰陣，轉身嗰吓抱唔到，於是背脊撻落水，0分。首輪即遭淘汰。李彩華話：「我是一朵美麗的花，不是花瓶。」

至於台灣女星阿雅，就勇戰五米高台，但佢都係直插入水，降低危險性。沙寶亮就用空中姿勢，冇轉身冇翻騰，抱膝都冇，只係屈體，但都屈唔晒；另一內地女星王麗坤亦都係直插入水。

同樣參加五米高台、練習時頻頻受傷、仲試過暈嘅韓庚，係第五個出場。可幸一切順利，成功入圍。但究竟入圍係好事，定壞事呢？