官恩娜露腰搶眼爆炸頭 連詩雅勁晒美麗格肋底

官恩娜（左）爆炸頭露腰Look好搶眼，連詩雅晒美麗格肋底。 潮流興玩Harlem Shake（哈林搖），早排余文樂﹑周柏豪同佢班「橫洲工業」波友先扮鬼扮馬喪Shake，仲拍埋短片放上分享網站。 近日華納唱片公司旗下歌手包括連詩雅（Shiga）﹑周柏豪﹑Dear Jane以及新加盟冇耐嘅官恩娜（Ella），亦勞師動眾拍咗Harlem Shake短片，成班歌手同公司同事癲埋一份。Ella個無敵爆炸假髮好搶眼，仲露埋小蠻腰喪Shake；而Shiga由四眼斯文Look唱住歌，搖身一變為狂野Shake女，搖得好過癮，爆趣呀﹗ 連詩雅戴眼鏡扮斯文淑女哼歌仔。 但音樂一起，Shiga即表現狂野一面。 Shake到啲頭髮亂晒呀。 官恩娜嘅騎呢舞姿都幾搞笑。 爆炸頭Ella同班同事搖得好癲。 周柏豪玩上癮。 周柏豪其實可以考慮拍喜劇。 周柏豪﹑官恩娜﹑連詩雅同Dear Jane潮玩Harlem Shake。